गरोदरपणात मांसाहारी आहार कोणता घ्यावा?

 जाणून घ्या... गरोदरपणात शाकाहारी आहार कोणता घ्यावा?

गरोदरपणात स्त्रीने मांसाहारी आहार कोणता घ्यावा व कसा घ्यावा याबद्दल खूप समज - गैरसमज आहेत. मांसाहारा मध्ये काय - काय येते? 

मासे, अंडी, चिकन, मटण, कोळंबी, सुकट असे वेगवेगळे पदार्थ. परंतु गरोदरपणात स्त्रीने नेमका कोणता आहार घ्यावा हे आपण जाणून घेऊ. मांसाहारी आहार घेताना गरोदर स्त्रीने सर्वात आधी कोणती काळजी घ्यायची आहे? तर स्वच्छता व परिपक्व मांसाहारी आहार.

गरोदर स्त्रीसाठी उपयुक्त मांसाहारी आहार

1) अंडी.

गरोदरपणात स्त्रीने रोज सकाळी एक तरी उकडलेले अंडे किंवा ऑमलेट करुन खावे.

अंड्याच्या बाबतीत असणारे समज व गैरसमज.

अंड्यातील पिवळा भाग खावा कि नाही?

अंड्यातील पिवळ्या भागामध्ये ओमेगा- 3 फॅटी ऍसिड असतें जे हृदयासाठी खूप फायदेशीर असतें.परंतु हा पिवळा भाग उष्ण मनाला जातो. त्यामुळे ज्या गर्भवती स्त्रीला उष्णतेचा त्रास आहे त्या स्त्रीने हा अंड्यातील पिवळा भाग खाणे टाळावे किंवा अति सेवन करु नये.

अंड्याचा पांढरा भाग - अंड्याचा पांढरा भाग हा प्रथिनांनी भरलेला असतो जो शरीराच्या स्नायूच्या वाढीसाठी व दुरुस्तीसाठी मदत करतो. गरोदरपणात स्त्रीने रोज हा अंड्याचा पांढरा भाग खाल्ल्यास गर्भाच्या वाढीसाठी मदत होते शिवाय गरोदर स्त्रीला ऊर्जा मिळण्यास मदत होते.

अंड्यामध्ये कोलीन नावाचा एक घटक असतो जो पोटातील बाळाच्या मेंदूच्या विकासासाठी मदत करतो.

त्याचप्रमाणे अंड्यामध्ये व्हिटॅमिन A, D, E व B12 असतें जे शरीराच्या विविध कार्यासाठी काम करते.

त्यामुळे गर्भवती स्त्रीने अंड्याचे सेवन जरूर करावे.

2) मासे.

गर्भवती स्त्रीने मासे खावेत कि नाही?

गर्भवती स्त्रीने मासे जरूर खावेत फक्त काही गोष्टींची काळजी घ्यावी.जसं कि मासे खाण्याचे प्रमाण, स्वच्छता, कोणत्या प्रकारचे मासे खावेत? आणि मासे परिपक्व शिजलेले असावेत याची काळजी घेणे.

माश्यामध्ये असणारे घटक कोणते?- प्रोटीन, ओमेगा -3 फॅटी ऍसिड असे विविध प्रकारचे पोषण तत्वे माश्यामध्ये असतात. जे गरोदरपणात स्त्रीच्या शरीरासाठी व पोटातील बाळाच्या वाढीसाठी फायदेशीर ठरतात.

गरोदर स्त्रीने अति उष्ण मासे खाणे टाळावे,ते गर्भासाठी हानिकारक ठरू शकतात. माश्याचे सेवन आठवड्यातून 2 वेळाच करावे.

3) चिकन आणि मटण 

चिकन आणि मटण मध्ये प्रोटीन, लोह, आणि व्हिटॅमिन बी12 सारख्या पोषक घटकांचा समावेश असतो. जे गर्भवती महिलांसाठी फायदेशीर ठरू शकतात.परंतु काही गोष्टी लक्षात ठेवणे आवश्यक आहे.

साफसफाई: चिकन व मटण स्वच्छ पाण्यात चांगले धुवावे आणि स्वच्छता राखावी.

शिजवणे: चिकन आणि मटण योग्य प्रकारे पूर्णपणे शिजवावे. अर्धवट शिजवलेले किंवा कच्चे चिकन व मटण टाळावे, कारण यात हानिकारक जिवाणू असू शकतात.

पुरवठा: ताजे आणि योग्य प्रकारे साठवलेले चिकन व मटण खावे.

4) कोळंबी 

गर्भावस्थेत कोळंबी खाणं चांगलं असू शकतं, परंतु काही गोष्टींची काळजी घ्यावी लागते. कोळंबी प्रोटीनचा एक उत्तम स्रोत आहे आणि त्यात कमी फॅट असते, त्यामुळे ती पोषणदृष्ट्या फायदेशीर ठरू शकते. मात्र, काही गोष्टी लक्षात ठेवाव्यात.

योग्य प्रकारे शिजवणे: कोळंबी व्यवस्थित शिजवलेली असावी, कारण कच्च्या किंवा अर्धवट शिजलेल्या कोळंबीमुळे जंतूसंसर्ग होण्याची शक्यता असते.

उष्णता : कोळंबीमध्ये उष्णता किंवा इतर प्रदूषक असू शकतात, ज्याचा गर्भावस्थेतील बाळाच्या वाढीवर वाईट परिणाम होऊ शकतो. त्यामुळे उष्णताकमी असलेल्या समुद्री खाद्यपदार्थांची निवड करावी.

प्रमाण: कोळंबी योग्य प्रमाणात खाणे महत्वाचे आहे. अति सेवन केल्यास ते आरोग्यास हानिकारक ठरू शकते.

5) सुकट 

गरोदरपणात सुकट खाण्याबाबत काही गोष्टींची काळजी घेणे आवश्यक आहे

उच्च सोडियम सामग्री: सुकटामध्ये सोडियमचे प्रमाण जास्त असू शकते, जे गर्भावस्थेत उच्च रक्तदाबास कारणीभूत ठरू शकते. त्यामुळे सुकटचे सेवन मर्यादित ठेवावे.

ताजेपणा आणि स्वच्छता: सुकट खाण्यापूर्वी त्याचा ताजेपणा आणि स्वच्छता महत्वाची आहे. खराब किंवा दूषित सुकट खाणे आरोग्यासाठी हानिकारक ठरू शकते.

जंतू : सुकटामध्ये काही जंतू असू शकतात, ज्याचा गर्भावस्थेत बाळाच्या वाढीवर वाईट परिणाम होऊ शकतो.

प्रमाण: गर्भावस्थेत कोणत्याही खाद्यपदार्थाचे प्रमाण महत्त्वाचे आहे. सुकट खाण्याच्या प्रमाणावर नियंत्रण ठेवणे आवश्यक आहे.

गरोदरपणात कोणताही मांसाहारी आहार करताना आपल्याला काही शंका असल्यास आपल्या डॉक्टरांशी चर्चा करून त्यांचा सल्ला घ्यावा.